كنافة | #رمضان | Konafa

9:19 م آلاء 4 Comments



السلام عليكم ، 

الفيديو / 


المقادير / 
كنافة 
اصبع زبدة ذائبة
جبن عكاوي 
١ قشطة طازجة 
ملعقتين كبيرة لبنة 
شيره 

الطريقة / 
تطحن الكنافة مع الزبدة وتصف في صينية مدهونه بزبدة 
تنقع العكاوي في قدر لين تطلع المويه منها تقريباً ٣ دقائق ثم تصفى المويه ويبشر الجبن ويوزع في نصف الصينية
اخلط اللبنه والقشطة واحطها بالنصف الثاني من الكنافه
اغطيهم بالكنافه 
ادخلهم الفرن ١٨٠ درجة نار من تحت ومروحة او من تحت وفوق مدة ٢٠ دقيقة او اقل 
يسقى وهو حار بشيره باردة ..

بالعافيه 




4 التعليقات:

شكراً لتعليقك ..

عصير الشمندر | #مشروبات_الصيف #رمضان | Beet juice

11:18 م آلاء 0 Comments



السلام عليكم ،

#مشروبات_الصيف هاشتاق جديد اعتمدته للمشروبات الباردة ، تقدرون تكتبون في خانة البحث بقناتي هالهاشتاق
وتطلع لكم كل المشروبات الباردة اللي سبق سويتها ..

مشروب اليوم صحي ولذيذ ، والكل يعرف قد ايش الشمندر او البنجر مفيدين جداً جداً وغني بالفوائد والفيتامينات .

الفيديو /


المقادير /
كوب عصير برتقال
نص كوب عصير الاناناس (اللي في الاناناس المعلب)
٤ حبات اناناس
ربع بنجر (شمندر) مثلج

الطريقة /
اخلطوا جميع المقادير السابقة واستمتعوا بطعم لذيذ .


بالعافية



0 التعليقات:

شكراً لتعليقك ..

ساندوتش الدجاج بالبيستو | pesto chicken sandwich

1:42 ص آلاء 0 Comments


السلام عليكم ،،


وصفة رمضان الثانية ،، 
ساندوتش الدجاج بصلصة البستو اللذيذة 
سبق قلت لكم طريقة البيستو صوص .. 




الفيديو : 


المقادير : 
صدور دجاج
ملح 
فلفل اسود 
خل 
جبن موزريلا 
صلصة البيستو 
خبز توست 
زيت نباتي 


الطريقة :
اشوح الدجاج في مقلاة فيها زيت وارش على الدجاج ملح وفلفل اسود اخليه لين يتحمر ثم اشيله وبنفس المقلاة احط خبز توست علشان يتحمر واحط عليه صلصة البيستو والدجاج والجبن وخبز توست ، لما تتحمر جهه اقلبه على الجهه الثانية .. 


بالعافية 


0 التعليقات:

شكراً لتعليقك ..

انشلادا ، صينية الدجاج المكسيكي | #رمضان | Chicken Enchiladas Casserole

10:21 م آلاء 0 Comments








السلام عليكم ،

فيديو اليوم وصفه لذيذة جداً جداً :)

صينية الدجاج المكسيكي او انشلادا *.*


الطريقة /
اسلقي نصف دجاجة ثم فككي الدجاج منها وبعد كذا في قدر احمسي بصل وثوم ثم حطي معاهم الدجاج وفلفل رومي وكرمب وذره ، في صحن اخلطي زبادي وجبن سائل وكريمه حفق وجبن موزريلا وتشيدر وبهارات وملح ، اخلطي الخضار والدجاج مع الخلطه  .
لفيها في خبز تورتيلا وصفيها بصينيه ثم حطي فوقها صلصة الطماطم ورشي جبن ودخليها الفرن لين يتحمر من فوق .

وبالعافيه ..

0 التعليقات:

شكراً لتعليقك ..

شيره ، قُطر ، شراب السكر | #دقيقة_مع_آلاء | Sugar syrup

7:40 م آلاء 0 Comments





الفيديو /






المقادير والطريقة :
في نار عاليه احط مقدارين متساوين من الماء والسكر ، لما تغلي المويه ويذوب السكر اعصر شوي ليمون وارش شوي زعفران واقصر على النار ثم اغطي القدر واتركه الى ربع ساعه او ٢٠ دقيقة (لما يلزق بيدك اطفي عنه النار )



0 التعليقات:

شكراً لتعليقك ..

روكي رود | Rocky Road

9:27 م آلاء 0 Comments


السلام عليكم ورحمة الله :* 

الروكي رود اكثر شئ انطلب مني اسويه وهذا هو بين يدينكم :) 

الفيديو : 

المقادير : 
شوكلاته خام ذايبه (اي مقدار )
مارشملوا ميني 
بسكوت دايجستف مكسر كبار 
عسل (بديل له زبدة فول سوداني ، نوتيلا ، او ولا شئ) 
سكر بودرة (اختياري)


الطريقة : 
ذوبي الشوكلاته الدارك والعادي مع بعض لين يذوبون ممكن تستعملين ٥ مغلفات دارك جالكسي و٥ عادي 
بعد كذا اضيفي البسكوت والمارشملوا وحركيهم لين يبدأ القوام يصير متماسك بشكل ان مافي شوكلاته سايلة 
حطي العسل وحركيه ثم وزعيه بصينية فيها ورق زبدة دخليه الفريزر ثم بعد ماتطلعينه رشي سكر بودرة ثم قطعيه ..

وبالعافيه 





0 التعليقات:

شكراً لتعليقك ..

صلصة البيستو | #دقيقة_مع_آلاء | Pesto Sauce

4:38 م آلاء 0 Comments



السلام عليكم ،، 

صلصة البستو اللذيذة ، 


الفيديو : 


المقادير :
حزمة ريحان 
ربع كوب زيت زيتون 
جبن بارمزان (كمية حسب الرغبة ) 
صنوبر (كمية حسب الرغبة ) 

الطريقة :
في محضرة الطعام حطي كامل المقادير مع بعض ممكن تزيدين زيت زيتون لو حسيتي الخليط ثقيل ،، 

بالعافيه 


0 التعليقات:

شكراً لتعليقك ..

حلى التحفة الفنية | Piece of #Art

7:05 م آلاء 1 Comments


السلام عليكم ...

وصفة اليوم #فكرة اكثر من انها وصفة :)
جداً لذيذة على فكرة ههه


الفيديو :


المقادير :
كيك او براونيز (شوكولاته)
شوكلاته عادية ودارك مذوبه
ايسكريم فانيلا
كريمة خفق
هيرشيز بالقرفة

الطريقة :
في قوالب السيلكون ادهنيها بالشوكلاته اللي ذوبتيها وحطيها بالفريزر ثم ادهنيها مره ثانيه ثم حطيها بالفريزر ليحن التقديم .
في صحن التقديم حطي البراونيز وفوقه ملعقة كبيرة ايسكريم ثم غطيهم بقبعة الشوكلاته اللي صلحناها ثم على النار كريمة خفق وملعقة كبيرة شوكلاته مذوبه وكمية حسب الرغبة من هيرشيز بالقرفة (ممكن ملعقتين كبيرة منهم ) لحد مايذوبون على النار وهو حار صبيه على الشوكولاته واستمتعي بطعم وشكل لذيذ ..

تحفة فنيه صح !




1 التعليقات:

شكراً لتعليقك ..

بصل مكرمل | #دقيقة_مع_آلاء | Caramelized Onions

3:13 م آلاء 0 Comments



السلام عليكم ..

البصل المكرمل جداً لذيذ مع البرجر والساندوتشات .. جربوه وبتدعون لي :)

الفيديو :


المقادير والطريقة :
قطعي ٣ بصلات شرائح وفي قدر على النار حطي زيت زيتون وملعقة كبيرة زبدة وحطي معاهم البصل على نار عاليه حركيه ٥ دقائق ثم وطي النار وغطي القدر واتركيه نص ساعه بس ضروري كل ٤ دقائق تحركينة زين لين يصير لونه ذهبي رشي رشة ملح وسكر (السكر اختياري) . وبس بالعافيه ..

0 التعليقات:

شكراً لتعليقك ..

الاشتراك في: الرسائل (Atom)