السلام عليكم ورحمة الله ..

ماسك الافوكادو للشعر من أفضل الماسكات بالنسبة لي جميل جميل جميل جدااً ، يغذي ويرطب الشعر جداً رائع .
أنا شعري بين الويفي و الكيرلي بس على جفاف ونفشه ، يعني لو انعم الفروه  بعد الوضوء يرجع ينتفش :(

من النادر احصل ماسك يتقبل شعري ويعرف يتعامل معه D: ممكن الى الان مرتاحه لماسكين او ثلاث
من بينهم ماسك المكديميا وراح اسوي ريفيو عنه قريب :)
 بس الافضل إلى الان ماسك الافوكادو الطبيعي اللي بتكلم عنه الان :)





المقادير والطريقة :
نصف افوكادو مهروسة
ملعقة كبيرة زبادي
ملعقة صغيرة عسل
ملعقة كبيرة زيت زيتون
(اخلطي المقادير مع بعض كويس واحرصي انك تهرسين الافوكادو مضبوط عشان مايطلع قطع في شعرك ثم قسمي شعرك
وحطيه من الجذور للاطراف واحرصي على الاطراف اكثر شئ بعدها غطيها ببلاستك وخليهم اقل شئ ساعة انا اخليه تقريباً 4 ساعات )




ملاحظة مهمه :
قبل ماتستخدمين الافوكادو احرصي انه يكون ناضج صح اتركيه بحرارة الغرفة يوم ممكن يومين لحد
مايكون لين يعني لما تضغطينه تحسين بليونته كانك تضغطين طماطم لينه :)

غسله شوي صعب لازم يكون معك مشط عشان تتاكدين انه شعرك نظيف مافي قطة افوكادو ماطلعت D:
وبعدها انعمي بشعر غني وصحي وجميل وغير منتفش هههه


أقتبست لكم فوائد الافوكادو للشعر :

- الأفوكادو هو الرائد حتماً في ترطيب الشعر الجافّ وذلك بفضل تركيبته الغنيّة بالعناصر المغذيّة والألياف، فإستخدميه بشكل دوري لإعادة الحيويّة لشعركِ الجافّ والمتكسّر.

- يساهم الإستخدام المتكرّر للماسكات الطبيعيّة من الأفوكادو في تطويل الشعر بشكل أسرع، وخصوصاً مع مستخلص زيت الأفوكادو ضمن خلطاتكِ الطبيعيّة.

- يساهم الأفوكادو في ترطيب الشعر من البصلة حتّى الأطراف، خصوصاً أنّ زيته يندرج ضمن الأصناف الخفيفة التي تمتصّها فروة الرأس.

- إن كنتِ تتمنّين الحصول على شعر لامع، صحيّ، ومحميّ، فالأفوكادو هو كلّ ما تحتاجينه!

-   كذلك، أثبتت العديد من الدراسات والتجارب بفاعليّة عناصر الأفوكادو في الحدّ من تساقط الشعر وإزالة القشرة.

أتمنى أستفدوا من التدوينة :)
وشكراً لكم .

السلام عليكم ورحمة الله :)
مسائكم سعيد .


تدوينة اليوم عن صلصة البيتزا اللي هي الطماطم ،
اضيفيه للمرغريتا او الخضار او النوع اللي تحبينه للبيتزا :)

المقادير :
 ربع بصل مقطع مكعبات
طماطم مقطعة مكعبات
فص ثوم
معجون طماطم 
بهارات
ملح
فلفل اسود
ملعقة كبيرة اوريغانو
ملعقة صغيرة ريحان


الطريقة :
اضيفي الثوم والطماطم والبصل فالخلاط ممكن تضيفين مويه لو احتجتي عشان يخلط كويس .



اضيفي اللي بالخلاط في قدر على النار


بعد ماتغلي اضيفي لها البهارات والملح والفلفل والريحان والاوريغانو



ثم اضيفي معجون الطماطم



قصري على النار وغطي القدر وخليها شوي تتسبك



خطوة مهمه قبل اضافة الصلصة للعجين هو أنك تمشين بالشوكة على العجينه عشان تثقبينها
(الحكمة منها ان العجينة تتنكه بنكهة الصلصة وماتنتفش العجينة وتصير عريضه كانها خبز صامولي هههه )



اضيفي الصلصة للعجينة ثم اضيفي فوقها اللي حابة تضيفينه ( انا سويت مارغريتا )




اضفت فوقها زيت زيتون ( زيت الزيتون اللي استعملته مميز نكهته حلوه احبه :) )



وبس بالعافيه عليكم :)

أستمتع جداً لما اشوف تطبيقكم :)
تقدرون ترسلون لي على التويتر او انستغرام بنفس الاسم @iBerryki