مكان الشراء /

طلبته اون لاين من اي هيرب

السعر /

$7.95 

30 ريال

ارجع اشتريه ؟

لا لا اكيد .

يعطيكم العافيه ، اشوفكم الاحد الجاي 

مع السلامه :)

السلام عليكم ورحمة الله وبركاته :) 

اخباركم ؟ ان شاء الله بخير وصحه :) 

تدوينه اليوم عن موضوع احبه جداً جداً واحاول اتعلمه اكثر واكثر اللي هو الميك اب :)

بتكلم لكم عن روتين مكياجي اليومي .. 

يومي ! يعني حتى بالجامعه احطه ؟؟؟ لا انا ما احب احط ميك اب بالجامعه اكتفي بروج وبلاشر فقط .

بس اقصد باليومي اللي هو بالعزايم والطلعات العاديه ، جمعاتي مع صحباتي بنات خالاتي وغيره :) 

يعني يومي تعبير مجازي مو حقيقي D;  

طبعاً بين فترة وفترة وحسب مزاجي اغير فالميك اب بس عموماً هذا هو روتيني الغالب نوعاً ما :)

(بكتب بوست اخر عن روتين مكياجي بالعزايم والزواجات ) بإذن الله . 

نبدأ بسم الله ... 

* اول شئ ارطب بشرتي بكريم QV . 

* اوزع برايمر من لورا مرسييه Laura Mercier على كامل وجهي باصابعي .  

* اوزع BB cream من قارينه على وجهي بستخدام فرشة سيقما 60 F واطبطب على وجهي باسفنجة ريل تكنيك ( جربت اللي للبشرة الجافة وكان افضل على بشرتي من هذا حق البشرة الدهنية لاني احب اللوك الديوي اللي اعطاني اياه قارنيه البشرة الجافه بس قارنيه البشرة الدهنيه خلى بشرتي كاني حاطه باودر عليه ) .

*احط باطراف اصابعي تحت عيوني كوركتر اورنج من NYX ، ثمن اوزع كونسيلر Fit me من ميبلين ايضاً باطراف اصابعي . 

* ارسم الايلاينر كات اي استخدم حق محمود سعيد مرا جميل و احب الايلاينر يكون طويل وعريض :) 

هذي الصورة من النت لطريقتي بالايلينر وفعلاً نفس النتيجه اللي احب اطلع فيها :) 

* احط الماسكارا اكثر من طبقه تقريباً ثلاث مرات احط العين الاولى ثم العين الثانيه ثمن ارجع للاولى ثم ارجع للثانيه ثمن اكرر هالحركه مره ثانيه :) احب تطلع رموشي كثيفه طويله وسوداء :) ما ثبت على نوع معين من الماسكرا الى الان كل فترة ماسكارا جديدة . 

* اضبط حواجبي بالمسكارا من Etude House احط شوي منها ثمن امشط شعر حواجبي بجيل ماسكارا مره جميل للحواجب من ايلف .

* احط كونتور بوجهي استخدم كونتورنق باودر من NYX ولنحت خدودي استخدم فرشة سيقما 40 F والانف سيقما 70 F . 

* احط بلاشر من H&M مره احب بلاشرتهم جميييييلة :) اللي غالباً استعمله (Dazzling Peach) استخدم فرشة سيقما F50 . 

*احط اضاءه باصابعي على اعلى خدودي ومقدمه انفي وفوق شفايفي العلويه (احب اضاءة illamasqua وايضاً high beam من بينفت ) . 

*واحط الروج اللي حابه احطه ذاك اليوم :) . 

وبس هذا هو روتين مكياجي :) قولوا لي رايكم فيه ؟

يعطيكم العافيه :) 

اشوفكم الاحد الجاي .. مع السلامه ،

السلام عليكم :) 

اخباركم ؟ 

قرب الشتاء قلت اقولكم كيف تسوون مشروب الشتاء المشهور (البمبكنق سبايس لاتيه ) عند ستار بوكس . 

بسم الله :) 

الفيديو /

المقادير /

ملعقتين يقطين معلب
ملعقة من بهارات فطيرة اليقطين
( ملعقه ونص كبيرة قرفة ، ملعقه كبيرة زنجبيل ، ملعقة صغيرة جوزة الطيب ، نص ملعقة صغيرة قرنفل )
ملعقتين سكر بني
ملعتين فانيلا سايله
كوبين حليب سايل
ربع كوب اسبرسو
ويبنق كريم (اختياري) 

Ingredients /
2 tablespoons canned pumpkin
1 teaspoon pumpkin pie spice
2 tablespoons brown sugar
2 tablespoons pure vanilla extract
2 cups whole milk
1/4 cup espresso
 whipped cream

الطريقة في الفيديو /

مختصرها /
سخني الحليب واضيفي له فانيلا سايلة .
في المقلاة حطي اليقطين وبهارات فطيرة اليقطين والسكر البني لحد مايتمازجون ويصير مزيج كريمي .
اضيفي اللي بالمقلاة للحليب واخفقيهم لحد مايغلي .
في كوبك حطي ربعه اسبرسو وثلاث ارباعه مشروب اليقطين .


بالعافيه عليكم .