برقر لحم #لكل_يوم | Meat Burger #Foreveryday

4:13 م آلاء 1 Comments



السلام عليكم ...

واخيراً وصفة برجر اللحم اللي بتخليكم تستغنون عن كل مطاعم البرقر .. لذيذ لذيذ لذيذ لين بكرة D;


الفيديو /


المقادير /
اللحم :
نص كيلو لحم بقر (اختياري ممكن دجاج لو حابين )
ملعقة كبيرة بوردة بصل
ملعقة صغيرة بودرة ثوم
ملعقة صغيرة ملح خشن
ملعقتين كبيرة بقسماط
اضافات :
صافي الزبدة من لورباك
شرائح جبن
خس
الصوص :
ملعقة صغيرة ( متبل ثوم ، صوص فرنسي ، خردل ، لبنة )
٣ ملاعق كبيرة مايونيز

الطريقة /
اخلطي مقادير اللحم ثم كوريهم كور واضغي عليهم لين يصير اقراص ، في صاج حطي شوي من صافي الزبدة واشوي البرقر ثم قبل لاتشيلينه من النار حطي شرائح الجبن لين تذوب .
بخبز البرقر ادهني الصوص ثم الخس ثم البرقر ثم البصل المكرمل نزلت طريقته قبل في القناة ..

بالعافيه ،،


1 التعليقات:

شكراً لتعليقك ..

بسكوت لوز بالعسل #لكل_يوم | Almond and Honey Biscuit #Foreveryday

8:02 م آلاء 0 Comments


السلام عليكم ...

وصفة اليوم جداً جداً جميلة ، سبق طرحتها في بوست العزيمة اللي وريتكم فيه تقديمي لضيوفي بالبيت وكثير طلب هالطريقة ..
هذي هي بين يدينكم الان D;


الفيديو :


المقادير :
ربع كوب زبدة الخبز من لورباك
نص كوب سكر
نص كوب لوز
٣ ملاعق حليب
٣ ملاعق عسل
بسكوت غير مملح

الطريقة :
في قدر ذوبي السكر والزبدة ثم اضيفي لهم الحليب والعسل واللوز .
في صينية صفي البسكوت ووزعي فوقه خلطة الزبدة واللوز ، دخليه الفرن نار من فوق بس يتحمر البسكوت ويصير ذهبي ( في ثواني بيتحمر انتبهوا له ) ..


وبالعافيه ....

0 التعليقات:

شكراً لتعليقك ..

تعرفوا على أكثر | Q&A | Get to know me

5:19 م آلاء 0 Comments







0 التعليقات:

شكراً لتعليقك ..

صلصة الطماطم | #دقيقة_مع_آلاء | Tomato Sauce

5:16 م آلاء 0 Comments




سلسلة جديدة بقناتي #دقيقة_مع_آلاء

اول فيديو (صوص طماطم)




0 التعليقات:

شكراً لتعليقك ..

لازانيا #لكل_يوم | Lasagna #foreveryDay

4:59 م آلاء 3 Comments




السلام عليكم ...

وصفة اليوم ، جداً لذيذة .. لازانيا ...

.
.
.
الفيديو :



المقادير :
خطوة 1/
سائل الطبخ من لورباك
بصل مفروم
ثوم مفروم
دجاج مفروم
فلفل اسود
بهارات ايطاليه
اوريغانو
ملح
صلصة الطماطم
كوب ماء
ملعقة كبيرة معجون طماطم

خطوة 2 /
مكعب ونص زبدة من لورباك
نص كوب دقيق
كوبين حليب دافي

خطوة 3 /
لازانيا (اما النوع اللي مايسلق او اسلقي النوع الاخر )
جبن بارمزان مبشور
جبن تشيدر مبشور
جبن موزريلا مبشور
كزبرة

الطريقة :
خطوة 1 /
في قدر على النار احط سائل الطبخ واحمس البصل والثوم لحد مايذبلون ثم اضيف الدجاج المفروم والبهارات وصلصة الطماطم والماء ومعجون الطماطم واتركه يتسبك تقريباً ربع ساعة .
خطوة 2 /
احط مكعب الزبدة لحد مايذوب ثم احط الدقيق وارفعه عن النار واضيف كوبين حليب واخفقهم بالتدريج .
خطوة 3 /
في صينية حطي مسحة باشميل ثم اللازانيا ثم صوص الطماطم وشوي باشاميل ثم رشة من الاجبان ثم لازانيا ثم دجاج ثم باشميل ثم اجبان وهاكذا .... اخر شي على الوجه كزبرة

على الفرن من 50 دقيقة الى ساعه نار من تحت 150 درجة مؤية .


بالعافية


3 التعليقات:

شكراً لتعليقك ..

مارشملو | Marshmallow

8:11 م آلاء 0 Comments



السلام عليكم ،

وصفة اليوم جديدة وغريبة ، المارشملوو ، سهل ! لا ترتاعون ههههه
جداً جميلة الوصفة وممتعه ولذييييذة ..

بسم الله ..

الفيديو :


المقادير :
أ /
نص كوب ماء
٣ اظرف جيلاتين

ب/
ثلثين كوب شراب ذرة فاتح
كوبين سكر
ربع كوب ماء

ج /
نص ملعة صغيرة ملح
ملعقة صغيرة فانيلا

د/
سكر بودرة


الطريقة :
في صحن العجانة حطي مقادير أ بدون ماتحركينه يعني بس حطيهم على بعض ، خليهم ١٠ دقائق ..
بقدر ع النار حطي مقادير ب وخليهم لين يغلي اذا غلى خليه دقيقة بمرحلة الغليان ثم شيليه عن النار .
ارجعي للعجانة خليها تعجن وتحرك الجيلاتين ثم اضيفي مقادير ب الحارة شوي شوي ، خلي العجانة على سرعة عالية من ١٠ دقائق .
بعد ٧ دقائق اضيفي مقادير ج للعجانة وهي تعجن .
بعد ١٠ دقائق بيكون قوام الخليط ثقيييل وكريمي لزج .
في صينيه مدهونه بزيت فوقها ورق زبدة ثم زيت ورشة سكر بودرة اضيفي خليط المارشملو ووزعية بيدينك وهي رطبه بالمويه .
رشي على وجهه بعد ماصفيتيه بصينه سكر بودرة ثم غلفيه وخليه مايقل عن ٦ ساعات يتماسك ويرتاح ..
بعد كذا قطعيه بسكينة مرشوش عليها سكر بودرة بالاحجام اللي تبينها .
قلبي حبات المارشملوا المقطعه في سكر بودرة ..

وبالعافيه ..





0 التعليقات:

شكراً لتعليقك ..

Mavala Double-Lash treatment Review | ريفيو منتج علاج الرموش من مافالا

8:38 م آلاء 0 Comments






السلام عليكم /

بتكلم اليوم عن منتج يدعي انه يكثف ويطول ويغذي الرموش من Mavala .

مدة التجربة /
شهر كامل .

طريقة استعمالي /
احط منه بالليل على رموش نظيفه بعد ما اغسل وجهي بالغسول . 
احطه على رموشي السفليه والعلويه احرص اني اغطي رموشي من جذورها لنهايتها . 

ملاحظتي /  
بعد اسبوع من استعماله حسيت رموشي ناعمه واحب المسها طول الوقت -.- ، لاحظت ايضاً انها معكوفه ، وكأني مستعمله عكافه رموش :/ .
بعد اسبوعين لاحظت انه في شعره برموشي السفليه داخله بعيني رحت للمرايه بطلعها اكتشفت ان فيه رمشه نابته في خط عيني اللي تحت ونابته مايل بشكل تدخل بعيني !! 
موقعها غلط وغير كذا اتجاهها غلط :( والله ارتعت منها ورحت نتفتها ولاحظت فيه نقطه مكانها بعد ماشلتها . 
صرت استخدم المنتج بوسط رموشي لاسفلها احاول ابعد عن الجذور .
تكرر الامر بعد ثلاث اسابيع بمكان ثاني بعيني الثانيه . 
بعد شهر من التجربه مالاحظت تطور بالرموش لا كثافه لا نعومه . 

يمكن رموشي صارت اقوى وانعم ومعكوفه فقط . 


شكل المنتج / 
قوامه ثقيل زيتي لونه على ابيض شفاف . 
يجي بعبوه قزاز صغيرها وبشكل ماسكارا ، وهالشي يسهل استعماله كثييير . 




مكان الشراء / 
قزاز

السعر / 


حول ٥٠ ريال ماني ذاكره . 

هل راح اكرر التجربه /
لا ماراح اكررها . 




يعطيكم العافيه . 
مع السلامه . 

0 التعليقات:

شكراً لتعليقك ..

الاشتراك في: الرسائل (Atom)