أحفظي طعامك بصورة أنيقة وصحية !
DIY With *BerryALaa
السلام عليكم ورحمة الله D:
كثير يبقى من الطعام المعلب بعد مانفتحه !
والطعام المعلب مو اللي معلب بزجاج او بلاستك لا المعلب بعلب المعدن "اكره هالعلب" -.-
هاذي هي
بعد مايبقى من الفاصوليا الحمراء ! او الفول
او ايضاً بعض البهارات او الحبوب ....الخ
لا ترجعين تغلفين العلبة المعدن وتدخلينها الثلاجة !!!
فيك تحفظين طعامك بعلب بلاستك او زجاج
مثل علب الجبن او علب صلصة الطماط وغيرها لما تخلص لا ترمينها اغسليها
واحفظيها بدولابك ، ولما تكونين فاضيه D:
لوني الغطأ بلون وثبتي حول العلبة ورق ابيض فاضي
لما تعبين العلبة الزجاج بالفاصوليا مثلاً ! اكتبي على الورق فاصوليا حمراً ودخليها الثلاجه
او البهارات والحبوب بعد ماتحطينها بالعلب اكتبي اسمائهم على العلب
في غطأ العلبه او حول العلبة نفسها !
بكذا تحصلين على علبة اجمل ، وثلاجة ارتب ، وايضاً حفظ صحي للطعام ويبقى مدة اطول بدون ما يفسد .
هالصور ممكن تشرح لكم الفكرة اللي ابي اوصل لها مضبوط D:
وحتى الزيوت ، لما تشترينها من العطار تكون في علب عاديه او سيئة المنظر D:
اشتري زجاج علب الزيوت تحصلينه في اكسترا وكمان الهزازي ومحلات ابو ريالين D:
عبي زيوتك الجميلة واكتبي اسمائهم على ورق وثبتيهم بس احرصي مايكون تثبيتك بحماس
لان بعد ماينتهي الزيت وتبغين تفرغين العلبه وتعبينها زيت اخر !!!! والاسم تجلسين تقشعين فيه
ويتشوه منظر العلبه :/ لا تكونين من الاساس مثبته الورق بخفه D:
مرا اشكالهم جميله تعطي جمال واناقة للمطبخ وتفتح نفسك للطبخ
شئ جميل وبسييييط جداً وصحي كمان :)
شكراً ، واشوفكم في تدوينة او فديو قادم ان شاء الله
أحببببكم .
0 التعليقات:
شكراً لتعليقك ..